Қазақстанда инклюзивті білім беруді дамыту педагогикалық қызметкерлерді даярлау мен кәсіби
қызметіне көзқарасты жаңарту мен жетілдіруді негіздейді. Инклюзивті білім беру қалыпты
балаларды және ерекше білім беру қажеттілігі бар балаларды бірлесіп оқытуды көздейді.
Халықаралық құжаттарда ерекше білім беру қажеттілігі бар балалар білім алуда тұрақты
қиындықтарды бастан кешетін балалар ретінде анықталады. Ерекше білім беру қажеттілігі бар
балаларды жалпы білім беру ұйымдарына енгізу білім беру мен педагогикалық процесті жүзеге асыру
тәсілдерін өзгертуді талап етеді. Бұл, әрине, педагогикалық кадрлардың құзыреттілігіне қойылатын
талаптарды арттырады. Олардың арасында әлеуметтік педагог сияқты жас мамандар ерекше орын
алады. Инклюзивті білім берудің маңызды міндеттерінің бірі ерекше білім беру қажеттілігі бар
балаларды толыққанды әлеуметтендіру болып табылады.
Мақалада әлеуметтік педагогтың психологиялық-педагогикалық құзыреттілігінің ерекшеліктері
білім беру инклюзивті үрдісінің маңызды қатысушысы ретінде ашылады. Авторлар маманның
психологиялық-педагогикалық құзыреттілігінің жоғары деңгейінің көрсеткіштерін ұсынады