Жаһандану қоғам үшін жаңа мүмкіндіктермен қатар қазіргі азаматтардан өсіп келе жатқан дағдылардың, білімдердің, құндылықтар мен көзқарастардың жиынтығын талап ететін көптеген міндеттердің пайда болуына әкелді және жаһандық құзыреттер – олардың бірі. Ағымдағы  зерттеулер терминнің неғұрлым анықталған концептуалды құрылымын жасауға және әртүрлі жас топтарындағы білім алушылардың жаһандық құзыреттерін бағалауға бағытталғанымен, білім беру ұйымы деңгейіндегі факторлардың білім алушылардың жаһандық құзыреттерін одан әрі дамытуға қалай әсер ететіні түсініксіз болып қала береді. Қазақстан контекстісіне, әсіресе оның қоршаған ортасы мен Еуразиядағы геосаяси рөліне байланысты XXI ғасырға сәйкес дағдыларды білім беру ортасы арқылы қалай дамытуға болатынын анықтау практикалық тұрғыдан құндылыққа ие.

Қазақстандық білім алушылардың жаһандық құзыреттеріне әсер ететін факторларды анықтау мақсатында бұл зерттеу екі деңгейлі регрессия арқылы білім алушылар мен білім беру ұйымдары деңгейіндегі факторлар бойынша жаһандық құзыреттер бойынша тестілеу нәтижелерін талдау үшін PISA 2018 деректерін пайдаланады. Талдау нәтижелері білім алушылар және білім беру ұйымдары деңгейіндегі факторлардың жаһандық құзыреттер меңгеру әсерінің статистикалық мәні бар екенін көрсетеді. Білім беру ұйымының деңгейінде білім алушылардың жаһандық құзыреттер нәтижелерін білім беру ұйымының орналасқан жерімен, оның түрімен және ондағы мұғалімдердің кейбір мәдени топтарға қатысты көзқарасымен түсіндіруге болады.