Бейіндік оқыту мектеп оқушыларын педагогикалық, психологиялық, ақпараттық және
ұйымдастырушылық тұрғыдан қолдау арқылы жоғары сынып оқушыларының болашақта білімдерін
жалғастыруда дұрыс жол таңдауға көмектеседі. Элективті курстар жалпы білім беру мекемелеріне
жаңадан енгізілгендіктен, оған қатысты нормативтік құжаттар және әістемелік материалдар әлі де
жеткіліксіз. Көптеген мұғалімдер мектепте бейіндік оқытудың мақсаттары мен міндеттері, оны іске
асырудың түрлері мен әдістері туралы толық ақпаратпен қамтамасыз етілмеген, оқушыларға қызықты
және пайдалы болатын элективті курстардың бағдарламаларын құра алмайды. Сондықтан қазіргі
кезде элективті курстар бойынша ақпараттарды жүйелеу және оны өткізудің әдістемелік
ерекшеліктерін табу, өзекті мәселелердің бірі болып отыр. Мақалада Жаратылыстану-математика
бағытындағы сыныптар үшін «Мәдениет географиясы» атты элективті курстың бағдарламасы
берілген. Сонымен қатар, «Мәдениет географиясы» курсының әдістемелік құрылымы жасалған.