Мақалада Қазақстан Республикасының бастауыш білім беру деңгейінің 1-4 сыныптарына арналған музыка бағдарламасының мазмұнында этномәдени компонентті жүзеге асыру мәселелері қарастырылады. Дәстүрлі музыкалық жанрлар, ұлттық фольклордың үздік үлгілері, Қазақстанның көпұлтты мәдениетінің туындылары негізінде балалар музыка қызметін ұйымдастыруға қазақстандық педагогтар мен музыканттардың түрлі тәсілдерін көрсететін музыка бойынша авторлық бағдарламаларға шолу жасалады. Бастауыш білім беру мазмұнындағы этномәдени компоненттің маңыздылығы, полимәдени ортадағы толерантты қарым-қатынасты тәрбиелеудегі музыкалық фольклордың рөлі, кіші мектеп оқушыларының бойында әлемнің тұтас көркем бейнесін қалыптастырудағы анықтамасы беріледі және негізделеді. 1-4 сыныптарға арналған «Музыка» пәні бойынша бағдарламаның жаңартылған мазмұны ашылады, оны зерделеу барлық оқу пәндерін қамтитын және ұлттық сана-сезімді қалыптастыруға және дамытуға, тұлғаның ұлттық және әлемдік мәдениет жүйесіне кірігуіне бағытталған маңызды элемент ретінде этномәдени компонентті қамтитын ауыспалы тақырыптарды меңгеру жолымен жүргізіледі.