Аталған мақалада отбасының заманауи қоғамдағы әлеуметтік-педагогикалық ерекшеліктерінің мазмұны ашылған, себебі отбасы әлеуметтендірудің бастапқы институты болып табылады. Мақалада "заманауи отбасы" терминінің күрделілігі мен алуан түрлілігін көрсететін әр түрлі ұстанымдардан қарастырылады. Авторлар тарапынан заманауи отбасының негізгі сипаттамалары егжей-тегжейлі зерттелген. Заманауи қоғамдық даму жағдайында отбасы дамуының педагогикалық ерекшеліктеріне теориялық талдау жасалған. Әр отбасының тарихы ата-аналардың тарихымен, құндылықтары мен дәстүрлерімен, белгілі бір ортаның мәдениетімен негізделген мінез-құлықтың белгілі бір стереотипін құратындықтан, бала тұлғасының қалыптасуына отбасы ықпалының маңыздылығы атап көрсетілген. Бұл мақалада отбасы тұтас қоғамдық ағза ретінде, яғни заманауи отбасы мәселесі бойынша ғұлама ғалымдардың заманауи теориялық тұжырымдамалары, ғылыми көзқарастары мен пікірлері жан-жақты талданған.