Авторлар 9 сынып оқушыларына арналған биология бойынша виртуалды зертханалық жұмыстар кешенін әзірлеп, пайдалануға ұсынды. Мақалада Microsoft PowerPoint 2010 базасында виртуалды зертханалық жұмыстарды жасау алгоритмі толық сипатталады. Ұсынылған зертханалық жұмыстар келесі тақырыптар бойынша құрастырылған: "Ауксин мысалында өсімдіктерге өсу заттарының әсері"; "Пияз түбіртегі клеткаларындағы митозды зерттеу; анықтағыш көмегімен өсімдіктер мен жануарлар түрлерін анықтау (жергілікті аймақ)"; "Өт әсерінен майларды эмульгирлеу процесін зерттеу". Тапсырмалардың мазмұны мен олардың тұжырымдалуы Қазақстан Республикасы орта мектебінің жаңартылған білім беру бағдарламасына сәйкес келеді. Әзірленген кешен 9 сынып оқушыларының білімі мен іскерлігін тексеруге, олардың білімдеріндегі олқылықтарды анықтауға, одан әрі оқыту мен дамытуды жоспарлауға, қажет болған жағдайда білім мен іскерлікті түзетуге көмектеседі. Авторлар әзірлеген алгоритм орта жалпы білім беретін мектептердің мұғалімдеріне осы бағдарламаны жалпы білім беретін мектептердің негізгі биология курсы бойынша зертханалық жұмыстарды әзірлеу үшін, сондай-ақ факультативтік сабақтар үшін пайдалануға мүмкіндік береді.