Мақалада пандемия кезінде қашықтықтан оқыту жағдайында туындаған мектепке дейінгі ұйымдар педагогтарының кәсіби қызметінде ақпараттық-коммуникациялық технологияларды қолданудың мүмкіндіктері мен жаңа талаптары ашылған. Мақалада сондай-ақ пандемия кезіндегі Қазақстандағы мектепке дейінгі білім беру тәжірибесін талдау, қашықтықтан форматтағы балабақшалардың жұмыс істеу мәселелерін зерттеу нәтижелері берілген. Жалпы, мектепке дейінгі тәрбие берушілердің басым көпшілігі қашықтық форматын білім беру бағдарламасын жүзеге асырудың уақытша шарасы және оны карантиндегі балалар үшін пайдалану мүмкіндігі ретінде қарастырады. Соған қарамастан мектепке дейінгі білім беру ұйымдарының педагогтары оқу үдерісінің тиімділігін қамтамасыз ету үшін жаңа ақпараттық технологиялар мен цифрлық құралдарды одан әрі меңгеруге дайын.