Қазіргі жаһандану дәірінде экологиялық проблемаларды, қауіп – қатерлерді жеңу үшін жаңа жоғары экологиялық білімі мен мәдениеті бар ұрпақты тәрбиелеу керектігі өзекті мәселе екені белгілі. Экологиялық білім беру, әсіресе адамзаттың қоршаған ортаға тигізетін әсеріне қатысты маңызды мәселе ретінде қарастырылуы керек. Мақалада тұлғаның экологиялық білім мен мәдениетінің мәні ашылады, яғни мектеп оқушыларында экологиялық білім мен тәрбиені қалыптастыру құралы ретінде жобаны құру процесі сипатталады. Зерттеуіміздің контексінде жобалық іс-әрекет барысында мектеп оқушыларының экологиялық мәдениетін қалыптастыру процесіне көп көңіл бөлінеді. Оқушылардың табиғатқа жауапты қарым-қатынасын қалыптастыру кезеңдері келтірілген және сипатталған. «Экология және біз» жобасы аясында мектеп оқушылары үшін жүзеге асырылған экологиялық мазмұндағы жобалық технологияны қолданудың тиімділігі мен қажеттілігі қарастырылады.