Мақалада бастауыш сынып оқушыларының әмбебап оқу әрекеттерін қалыптастыру бойынша теориялық талдаулар жасалады. Талдауларға сүйеніп, ӘОӘ-нің төрт түрі: жеке әмбебап оқу әрекеті, реттеуші әмбебап оқу әрекеті, танымдық әмбебап оқу әрекеті, коммуникативтік әмбебап оқу әрекеттеріне құрылымдық сипаттама беріледі. Олардың мәні философиялық, педагогикалық және психологиялық тұрғыдан мазмұндалады. ӘОӘ қалыптастырудың құралы саралап оқыту екендігі негізге алынады. «Саралау», «саралап оқыту» түсініктеріне контент-талдау ұсынылады. Нәтижесінде, ӘОӘ-ден күтілетін нәтижелер бірнеше педагогикалық бағдарларды көздеп, бастауыш сынып оқушысында болатын сапаларға талдау беріледі. Олар: тұлғаның дамуы, қарым-қатынас мәдениеті, зерттеушілік мәдениеті, өзін-өзі дамыту. Қорытындыда ӘОӘ-нің бүгінгі қолданбалы жайы баяндалып, оны күшейтуге ұсыныстар хабарланады.