Бүгінгі қоғамда мұғалімге қойылатын талап  ерекше. Өйткені, мұғалім - жас ұрпақ тәрбиесіне жауапты бірден-бір тұлға. Сондықтан мұғалімнің, кәсіби шеберлігі - бүгінгі күннің өзекті мәселелерінің бірі болмақ.

Бастауыш сынып мұғалімінің кәсіби құзыреттіліктерін қалыптастыру деңгейін арттыратын жеке қасиеттерінің, білімі мен дағдыларының жүйесі педагогикалық шеберлікке байланысты жүзеге асады.

Педагогикалық шеберлік - педагогикалық іс-әрекетті меңгерудің жоғары деңгейі. Оқушылардың оқу-танымдық іс -әрекетін тиімді басқару және педагогикалық әсер мен өзара әрекетті мақсатты түрде жүзеге асыруға мүмкіндік беретін арнайы білім, білік және дағдылар, мұғалімнің маңызды кәсіби сапаларының жиынтығы болып табылады.

Мақалада болашақ бастауыш сынып мұғалімінің жеке қасиеттері мен педагогикалық қабілеттерінің мазмұны, жіктелуі мен талдауы қарастырылады. Сонымен қатар, мұғалімнің құзыреттілігі туралы қорытынды жасалды.