Мақаланың мақсаты - жоғары оқу орындарының қызметіндегі тәуекелдерді басқару жағдайында білім сапасын бағалау жүйесін зерттеу. «Жоғары білім беру жүйесіндегі тәуекел» ұғымына анықтама берілген. Зерттеудің әдіснамалық негізі жүйелік талдау теориясының ережелері, процестерді басқару және нәтижелер бойынша басқару тұжырымдамасы болып табылады; жеке тұлғаның әлеуметтік, іс-әрекеті, шығармашылық мәні және оның басқару процесінің тиімділігін дамытудың көп факторлы сипаты және оның критерийлері мен көрсеткіштерін негіздеу туралы ережелер; жүйелік-құрылымдық тәсіл, оны педагогика ғылымының теориясы мен практикасында қолдану; іс-әрекетке көзқарас, білім беру сапасын басқару, педагогикалық зерттеу әдістемесі. Мақалада жоғары оқу орындарында стратегиялық басқару және сапаны қамтамасыз ету саласындағы отандық және шетелдік ғалымдардың зерттеулерін талдау, тәуекел-менеджментті пайдалану, жоғары оқу орындары қызметінің процестерін талдау қамтылған. Авторлар университеттегі тәуекелдерді анықтау мен басқарудың әдістемесін ұсынады. Тәуекелдердің алдын алу үшін тәуекелдердің маңыздылығымен және олардың туындау ықтималдылығымен анықталатын тәуекелдерді басқару картасын әзірлеу ұсынылады. Авторлар тәуекел категорияларын, сонымен қатар тәуекел дәрежесін бағалауды зерттеді. Тәуекелді бағалау нақты тәуекелдерді қарастыру және нұсқалар арасында таңдау туралы негізделген шешімдер қабылдау үшін конструктивті ақпарат пен талдауды қамтамасыз етеді. Зерттеу барысында тәуекелді бағалауды жүргізудің негізгі артықшылықтары анықталды. Сондай-ақ, авторлар Сәкен Сейфуллин атындағы Қазақ агротехникалық зерттеу университетінің қызмет процесінде тәуекелдердің пайда болуын азайту бойынша ұсыныстар көрсетілген. Жоғарыда аталған элементтерді пайдалану бізге жоғары оқу орындарында білім беру процесін ұйымдастыруды ғана емес, сонымен қатар оның сапасын басқару жүйесін жасауға мүмкіндік береді.